Hazrat Muhammad SAWW Ka Mojza Janab e Salman Farsi RA Aur Khajoor Ke Darakht In Roman Urdu 2026

Table of Contents

Hazrat Muhammad (SAWW) Ka Mojza: Janab-e-Salman Farsi (R.A) Aur Khajoor Ke Darakht (Roman Urdu)

Khatam Un Nabiyeen Hazrat Muhammad SAWW Ka Mojza.

Rasool-e-Maqbool Hazrat Muhammad Mustafa Sallallahu Alaihi Wa Aalihi Wasallam Maka Moazma Se Hijrat Kar Ke Jab Madina Munawara Tashreef Laye Tu Maqam-e-Qaba Mein Nuzool-e-Ijlal Farmaya Our Irshad Kiya Keh Main Oss Waqt Tak Madina Mein Dakhil Nahi Hoon Ga Jab Tak Mere Bhai Ali Alh Aslam Na Aa Jaein. Salman Farsi Oss Waqt Tak Madina Mein Aik Yahudi Ke Ghulam They. Our Apne Malik Ke Khajoron Ke Bagh Mein Pani Detey Our Unn Ki Hifazat Kiya Kartay They.

Hazrat Salman Razi ALLAH Tala Anha Hazrat Esa Alh Aslam Ke Mannay Walon Se Aan Hazrat Sallallahu Alaihi Wa Aalihi Wasallam Ke Halaat Maloom Kartay Rehtey They. Lehaza Jab Aan Hazrat Sallallahu Alaihi Wa Aalihi Wasallam Ke Madina Pohanchne Ki Khabar Suni Tu Khajoron Ka Aik Tabaq Utha Kar Aan Hazrat Sallallahu Alaihi Wa Aalihi Wasallam Ki Khidmat-e-Ba Barkat Mein Hazir Hoye Our Arz Ki Keh Main Ne Suna Hai Keh Aap Musafir Ho Kar Yahan Tashreef Laye Hain Lehaza Main Apne Sadqat Aap Ki Khidmat Mein Laya Hoon. Aap Inn Ko Tanawal Farmaiye. Hazrat Rasool ALLAH Sallallahu Alaihi Wa Aalihi Wasallam Ne Apne Ashab Se Farmaya Keh Bismillah Parh Kar Inn Ko Tanawal Karo. Magar Aap Ne Khud Kuch Tanawal Na Farmaya. Janab-e-Salman Kharey Yeh Manzar Dekhtey Rahe Khali Thal Le Jate Hoye Farsi Zaban Mein Kehne Lagay Keh Aik Alamat Tu Maloom Ho Gayi. Phir Dosra Thal Khajoron Ka La Kar Rasool ALLAH Sallallahu Alaihi Wa Aalihi Wasallam Ki Khidmat-e-Ba Barkat Mein Paish Kartay Hoye Arz Kiya Keh Yeh Khajorein Batoor Hadiya Hain Qabool Farmaiye. Hazoor Khatmi Martabat Sallallahu Alaihi Wa Aalihi Wasallam Ne Yeh Hadiya Qabool Farmatay Hoye Khud Bhi Yeh Khurmay Tanawal Farmaye Our Degar Ashab Ko Bhi Diye Keh Woh Bhi Khaein. Jab Woh Kha Chukay Tu Salman Ne Thal Le Liya Our Kaha Keh Do Alamatein Tu Pori Ho Gayin Phir Rasool ALLAH Sallallahu Alaihi Wa Aalihi Wasallam Ke Gird Tawaf Karna Shorow Kar Diya. Hazoor Sallallahu Alaihi Wa Aalihi Wasallam Ne Daryaft Haal Farmaya Tu Salman Ne Arz Ki Keh Woh Aik Yahudi Ka Ghulam Hai. Lehaza Aap Iss Barey Mein Kya Hukam Detey Hain? Hazoor Ne Farmaya Jao Kuch Raqam De Kar Chutkara Hasil Kar Lo.

Yahudi Ki Sakht Shart Aur Janab-e-Salman (R.A) Ki Aazadi

Salman Ne Yahudi Ke Pas Ja Kar Kaha Keh Main Chunke Musalman Ho Chuka Hoon Our Nabi ALLAH Sallallahu Alaihi Wa Aalihi Wasallam Ki Pairvi Shorow Kar Di Hai Iss Liye Mujh Se Kuch Le Kar Mujhe Aazad Kar Diya Jaye Yahudi Ne Kaha Iss Shart Par Tumhein Aazad Karon Ga. Keh Tum Panch Sad Khajoron Ki Guthliyon Ko Lagao. Jab Woh Barh Kar Phal Deney Lagin Tu Unn Ko Mere Hawalay Kar Do Iss Ke Elawah Chalees Oqiya Sona Bhi Do Tab Main Aazad Karon Ga.

Janab Salman Ne Khidmat-e-Rasool Maqbool Sallam Mein Paish Ho Kar Tamam Waqiyat Se Aap Ko Aa Gah Kiya. Aan Hazrat Sallallahu Alaihi Wa Aalihi Wasallam Ne Farmaya Wapis Ja Kar Oss Se Yeh Sharait Likhwa Lao Ta Keh Baad Mein Woh Iss Se Inkar Na Kar Sakay.

Janab Salman Gaye Our Woh Sharait Nama Likhwa Kar Le Aaye. Aan Hazrat Sallallahu Alaihi Wa Aalihi Wasallam Ne Salman Ko Panch Sad Khajoor Ki Ghutliyan Laney Ko Kaha Jo Salman Ne La Kar Paish-e-Khidmat Kar Dein. Aan Hazrat Sallallahu Alaihi Wa Aalihi Wasallam Ne Woh Ghutliyan Janab Maula-e-Kainat Hazrat Ameer Al Momineen Ali Alh Aslam Ke Hawalay Kar Dein Our Salman Ko Le Kar Oss Jagah Tashreef Le Aaye Jahan Oss Yahudi Ne Darakht Lagane Ko Kaha Tha.

Khajoor Ke Darakht Ugane Ka Azeem Mojza

Sardar-e-Do Jahan Sallallahu Alaihi Wa Aalihi Wasallam Oss Jagah Apni Angusht Mubarak Se Zameen Mein Shigaf Kartay Jate Our Kehte Jate Keh Iss Mein Ghutli Daltay Jao Our Sath Hi Aap Oss Par Mati Daal Kar Do Ungliyon Ko Kholte Tu Wahan Pani Ka Aik Chashma Jari Ho Jata. Jis Se Woh Jagah Serab Ho Jati Phir Aap Sallallahu Alaihi Wa Aalihi Wasallam Dosri Jagah Chaley Jate Our Yehi Amal Karte. Jab Dosri Jagah Ghutli Bo Chuktay Tu Pehli Jagah Aik Darakht Ugg Aata Jis Mein Khurmay Lagay Hotey (Salwat) Allahuma Salle Alla Muhammadin Wa Aal-e-Muhammad.

Issi Tarha Rasool Sallallahu Alaihi Wa Aalihi Wasallam Ne Panch Sad Ghutliyan Boein Our Woh Tamam Phal Daar Khajoron Ke Darakht Ban Gaye.(Salwat) Allahuma Salle Alla Muhammadin Wa Aal-e-Muhammad.

Yahudi Jo Sath Sath Chal Raha Tha. Yeh Nazara Dekh Kar Kehne Laga Keh Waqai Quresh Sach Kehte They Keh Muhammad Sallallahu Alaihi Wa Aalihi Wasallam Jadogar Hain. Phir Bola Keh Aye Salman! Main Ne Khajoron Ka Bagh Tu Le Liya Lekin Woh Chalees Oqiya Sona Kahan Hai?

Yeh Suntay Hi Rasool ALLAH Sallallahu Alaihi Wa Aalihi Wasallam Ne Apne Samne Se Aik Pathar Uthaya Tu Woh Matwaqa Soney Se Kahin Behtar Sona Ban Gaya. Jo Yahudi Ko De Diya Gaya Our Yahudi Ne Jab Oss Soney Ka Wazan Kiya Tu Woh Na Kam Our Na Zyada Balke Theek Chalees Oqiya Sona Tha. (Salwat) Allahuma Salle Alla Muhammadin Wa Aal-e-Muhammad.

Lehaza Janab Salman Farsi Ab Aazad Ho Kar Khidmat-e-Rasool Maqbool Sallallahu Alaihi Wa Aalihi Wasallam Mein Hazir Ho Gaye, Our Umar Bhar Sachay Dil Se Aap Ki Khidmat Kartay Rahe..

(Salwat) Allahuma Salle Alla Muhammadin Wa Aal-e-Muhammad.

Aye ALLAH Tofail Habib e Mukaram Hazrat Muhammad Mustafa Sallallahu Alaihi Wa Aalihi Wasallam Our Inn Ki Pak-o-Tahir Aal Alaihim Aslam Jis Tarha Tu Ne Janab Salman Farsi Razi ALLAH Tala Anha Ki Mushkil Aasan Farmayi Bilkul Ossi Tarha Har Momin Har Momina Ki Bhi Har Mushkil Aasan Farma Our Har Murad Bhi Inhi Pak Hastiyon Ki Tofail Pori Farma. Aameen Sum Aameen Ya Rab Alalamin.

Umeed hai aapko Hazrat Muhammad SAWW Ka Mojza Janab e Salman Farsi RA Aur Khajoor Ke Darakht In Roman Urdu padh kar emaan taza hua hoga.