Jaltay Hoye Khaimo Se Zainab Ki Sada Aayi Abbas Kahan Ho Tum Lyrics Urdu 2009
Jaltay Hoye Khaimo Se Zainab Ki Sada Aayi Abbas Kahan Ho Tum.
Na Sar Pe Rahi Chadar Na Mera Bacha Bhai Abbas Kahan Ho Tum.
Abbas Chaley Aao Khaimon Mein Gareebon Ke.
Bhokay Our Pyasay Hain Marey Hain Naseebon Ke.
Sajjad Ko Hosh Nahi Kulsoom Hai Ghabrai Abbas Kahan Ho Tum.
Shabbir Khara Ran Mein Kayi Roz Ka Pyasa Hai.
Teeron Se Howa Chalni Mazloom Ka Lasha Hai.
Na Kafan Mila Oss Ko Na Qabar Hi Ban Payi Abbas Kahan Ho Tum.
Haye Shimar Kaminay Ne Masoom Sakina Ke.
Marey Hain Tamachay Bhi Haye Phool Se Galon Pe.
Aa Jao Chacha Ghazi Ro Ro Ke Woh Chilayi Abbas Kahan Ho Tum.
Jalti Hoi Dharti Pe Mazloom Ki Lash Pari.
Roti Hai Sakina Bhi Baba Ke Pas Khari.
Hai Haal Yatemana Ghurbat Ki Ghata Chayi Abbas Kahan Ho Tum.
Kulsoom Ne Sar Peeta Maqtal Mein Kharey Ho Ke.
Haye Kanptay Hathoon Se Zainab Ne Ro Ro Ke.
Dastar Imamat Ki Sajjad Ko Pehnai Abbas Kahan Ho Tum.
Bachoon Ko Draya Hai Karbal Ki Udasi Ne.
:AKHTAR: Yeh Kaha Ho Ga Ahmad Ki Nawasi Ne.
Maqtal Mein Hai Sanata Our Maut Ki Tanhai Abbas Kahan Ho Tum.
Poet: :Akhtar Hussain Akhtar:
Soz: :Akhtar Hussain Akhtar:
Noha Khuwan: :Ravi Road Lahore Party:
#JaltayHoyeKhaimoSe
#NohayLyrics
#tajpoint
Jaltay Hoye Khaimo Se Zainab Ki Sada Aayi Abbas Kahan Ho Tum Lyrics Urdu 2009 Write Up Poster Image
