Assalam-o-Alaikum wa Ya Ali (A.S) Madad! Taj Point par aaj hum aap ke liye aik nihayat makhsoos manqabat Ya Imam e Raza Mir Hasan Mir 2026 Lyrics Urdu share kar rahe hain.
Yeh manqabat Imam Ali Raza (A.S) ki shan-e-mubarak mein Mir Hasan Mir ne asal mein saal 2008-09 mein tehreer ki aur parhi thi, jis ki composition bhi unhon ne khud hi tarteeb di thi. Ab saal 2026 mein, Mir Hasan Mir ne isi makhsoos manqabat ko kuch naye ashaar ke izafay ke sath dobara parh kar naye andaaz mein pesh kiya hai.
Manqabat Information & Details
| Manqabat Name | Ya Imam e Raza Mir Hasan Mir 2026 Lyrics Urdu Imam Raza AS Manqabat |
| Reciter | Mir Hasan Mir |
| Poet | Mir Hasan Mir |
| Composition | Mir Hasan Mir |
| Year | 2026 |
Watch on YouTube
Video Link: Watch This Manqabat on YouTube
Ya Imam e Raza Mir Hasan Mir 2026 Lyrics Urdu Imam Raza AS Manqabat Lyrics in Urdu
Har Nafas Har Ghari Mere Dil Se Yehi Aa Rahi Hai Sada.
Dil Pe Maula Hai Mere Sirf Hakomat Teri.
Bajti Rehti Hai Mere Seene Mein Nobat Teri.
Baat Sabit Hoi Mere Seene Mein Bhi Ik Haram Hai Tera.
Ab Keh Mashhad Se Jo Palta Hoon Tu Mere Mohsin.
Sans Lena Mujhe Acha Nahi Lagta Lekin.
Phir Bhi Hai Yeh Sakoon Main Kahin Bhi Rahon Dil Wahin Hai Mera.
Teri Azmat Pe Bhala Kyun Na Dalalat Banta.
Shair Qaleen Ka Kis Tarha Na Zindah Hota.
Hai Haqeeqat Yehi Teri Marzi Mein Hi Hai Khuda Ki Riza.
Eid-e-Zilqad Ke Din Phir Se Hain Aaye Bibi.
Kijiye Hum Ko Atta Bhai Ke Sadqay Bibi.
Qum Se Mashhad Barhein Hum Yeh Kehte Hoye Aap Ka Shukriya.
Meri Iss Waqt Tere Dar Pe Nazar Hai Maula.
Our Tujhey Meri Musibat Ki Khabar Hai Maula.
Door Uftad Kar Meri Imdad Kar Tu Hai Mushkil Kusha.
Har Taraf Jang Hai Mushkil Hai Pareshani Hai.
Khon-e-Mazloom Ki Har Simt Hi Arzani Hai.
Lashkar-e-Zulm Pe Haq Ka Ghalba Rahe Ab Tu Behar-e-Khuda.
Manzil-e-Sabar-o-Wafa Se Jo Guzarey Gaye Hain.
Nam-e-Shabbir Pe Woh Loag Jo Marey Gaye Hain.
Arz Meri Suno Unn Shaheedon Ka Ho Our Rutba Siwa.
Dushman-e-Deen Pe Aate Hi Jo Dhaye Ga Ghazab.
Jis Ki Talwar Mein Abbas Ke Arman Hain Sab.
Ossi Dil Band Ko Apne Farzand Ko Izan Kar Dein Atta.
Rad Hoi Koi Dua Meri Mujhe Yaad Nahi.
Jis Ki Qismat Mein Aye Maula Koi Aoulad Nahi.
Misal-e-Rahib Ossay Jald Aoulad De Waris-e-Karbala.
Jeetay Jee Jan Se Apni Main Guzar Jaon Ga.
Jald Mashhad Na Bulao Gay Tu Mar Jaon Ga.
Aye Imam-e-Ghareeb Tum Ho Mere Tabeeb Jald Kar Do Dawa.
Iltija Aap Se Karta Hoon Imam-e-Hashtum.
Unn Ke Sadqay Mein Jinhein Kehte Hain Masooma-e-Qum.
Jo Pareshan Hai Jald Kar Dijiye Oss Ki Hajat Rawa.
Apne Iss :MIR: Ko Anmool Bana De Maula.
Mujh Ko Iss Door Ka Behlool Bana De Maula.
Main Azadar Hoon Kashf Bardar Hoon Tere Khudaam Ka.
Poet: :Mir Hasan Mir:
Manqabat Khuwan: :Mir Hasan Mir:
Manqabat Volume: :Mir Hasan Mir 2025-26:
Composition: :Mir Hasan Mir:
#YaImameRaza
#ManqabatLyrics
#tajpoint
Umeed hai ke aapko yeh write-up pasand aaya hoga. Mazeed lyrics ke liye Taj Point visit karte rahein.