Ya Ali (A.S) Madad! Taj Point par aaj hum aapke liye aik nihayat dard-bhara aur riqat-angez noha Aakhri Waqt Mein Sajjad Pokaray Baqir Lyrics share kar rahe hain.
Yeh ghamgeen kalam 25 Muharram Shahadat-e-Imam Zain-ul-Abideen (A.S) ke us intihai karb-naak aur dukh bhare waqiyay ko bayan karta hai jab bimar o mazloom Imam Sajjad (A.S) apne aakhri waqt mein apne pyare bete aur agle imam, Imam Muhammad Baqir (A.S) ko pukarte hain aur unhein imamat ki zimmadariyan aur Karbala o Sham ke gham saunpte hain. Is pur-dard noha ke alfaz shayar Mirza Ahsan Abbas Mohtasham ne nihayat aqeedat se tehreer kiye hain, jabke is kalam ko parhne aur is ki dil-soz composition ko tarteeb dene ka sharaf maroof noha khuwan Mirza Sajjad Mumtaz ne hasil kiya hai. Is kalam ke mukammal lyrics niche diye gaye hain.
Noha Information & Details
| Noha Name | Aakhri Waqt Mein Sajjad Pokaray Baqir Lyrics Urdu New 2024 |
| Reciter | Mirza Sajjad Mumtaz |
| Poet | Mirza Ahsan Abbas Mohtasham |
| Composition | Mirza Sajjad Mumtaz |
| Year | 2024 |
Subscribe Our Channel
Mazeed naye kalam dekhne ke liye hamara channel subscribe karein: Subscribe Taj Point
Aakhri Waqt Mein Sajjad Pokaray Baqir Lyrics Urdu New 2024 Lyrics in Urdu
Ghar Yeh Ab Sara Hawalay Hai Tumhare Baqir.
Karbala Mein Jo Howa Tum Ko Pata Hai Sara.
Kis Tarha Dada Tumhare Gaye Marey Baqir.
Qasim-o-Akbar-o-Ghazi, Ali Asghar Bhi Diya.
Dasht Mein So Gaye Baba Ke Saharey Baqir.
Dasht-e-Khonkhuwar Mein Aal-e-Nabi Be Haal Hoye.
Yaad Hai Zulm Ke Manzar Mujhe Sare Baqir.
Aik Nezay Pe Rida Aik Pe Sar Baba Ka.
Tauq-o-Zanjeer Pehan Kar Main Chala Payada Pa.
Be Rida Ahl-e-Haram Sath Sidharay Baqir.
Gir Pari Aount Se Jab Meri Sakina Khwahar.
Ruk Gaya Nook-e-Sina Par Mere Baba Ka Sar.
Shimar Ne Taziyane Hain Mujhe Marey Baqir.
Jaisay Jaisay Hi Qareeb Aata Gaya Sham Shehar.
Maut Aa Jaye Mujhe Thi Yeh Dua Honton Par.
Meri Aankhon Se Bahay Khon Ke Dharay Baqir.
Har Musibat Mein Mere Sath Rahi Meri Behan.
Ho Gayi Mujh Se Juda Sham Mein Woh Khasta Badan.
So Gayi Qaid Mein Woh Goor Kinaray Baqir.
Shah Ka Naam Jab Aaya Tu Howa Khoon Jari.
Yaad Tashheer-e-Haram Aayi Tu Pehar Ki Zaari.
Zakhm Pehar Se Hoye Taza Mere Sare Baqir.
Ghusal Jab Syed-e-Sajjad Ko Baqir Ne Diya.
Khoon Fishaan Dekh Ke Baba Ko Yeh Baqir Ne Kaha.
Baba Ghurbat Pe Tere Jan Ko Warey Baqir.
:MOHTASHAM: Rota Jahan Se Gaya Haye Haye Maula.
Ro Ke Baqir Ne Janazay Pe Yeh :SAJJAD: Kaha.
Qabar Mein Aap Ko Kis Tarha Utaray Baqir.
Poet: :Mirza Ahsan Abbas Mohtasham:
Noha Khuwan: :Mirza Sajjad Mumtaz:
Imam Sajjad AS Noha
#AakhriWaqt
#NohayLyrics
#tajpoint
Aakhri Waqt Mein Sajjad Pokaray Baqir Lyrics Urdu New 2024
Umeed hai ke aapko yeh write-up pasand aaya hoga. Mazeed lyrics ke liye Taj Point visit karte rahein.