Muslim Ka Lasha Eid Ke Din Mir Hasan Mir Lyrics 2024
Muslim Ka Lasha Eid Ke Din Mir Hasan Mir Lyrics 2024
Kofe Mein Phiraya Jata Hai Muslim(AS) Ka Lasha Eid Kay Din.
Koi Bhi Othane Aata Nahi Baykas Ka Janaza Eid Kay Din.
Bhai Bhi Nahi Betey Bhi Nahi Koi Bhi Nahi Ronay Wala.
Muslim(AS) Kay Janaze Per Baithi Roti Rahi Zahra(SA) Eid Kay Din.
Ik Aah Sonayi Deti Hai Ik Lash Dikhayi Deti Hai.
Bey Sakhta Anso Aatey Hain Yad Aaye Jo Kofa Eid Kay Din.
Toti Hai Qayamat Ye Kesi Dono Pay Nazar Hai Maula(AS) Ki.
Muslim(AS) Ki Hameeda Roti Hai Bey Taab Hai Sughra(SA) Eid Kay Din.
Zalim Say Bachane Ki Khatir Zindaan Say Chorane Ki Khatir.
Omeed Yehi Hai Bachon Ko Aaein Gaye Baba(AS) Eid Kay Din.
Muslim(AS) Kay Yatemo Ko Sheh Ney Seney Say Laga Kar Payar Kiya.
Ye Hal Yatemi Ka Logo Samjhi Thi Sakina(SA) Eid Kay Din.
Ik War Ali(AS) Kay Sajday Say Muslim(AS) Ki Shahadat Tak Pohancha.
Yoon Aal e Nabi(SAWW) Ko Ommat Ney Har Baar Rolaya Eid Kay Din.
Jiss Ghar Mein Koi Mar Jata Hai Sub Aa Ker Pursa Detay Hain.
Hum Kis Ko Dein Maula(AS) Mehdi AS, Muslim(AS) Ka Pursa Eid Kay Din.
Dastor Zamanay Say Hai Yehi Hum Ahl e Azza Ka Bad e Namaz.
Hum Sun Kay Masayab Detay Hain Zahra(SA) Ko Pursa Eid Kay Din.
Dafnaya Nahi Kafnaya Nahi Kesi Ye TAKALLUM Ghurbat Hai.
Kofe Mein Musalmaan Sarey Thay Muslim(AS) Tha Akela Eid Kay Din.
Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2024:
Composition: :Raza Shah:
Muslim Ka Lasha Eid Ke Din Mir Hasan Mir Lyrics 2024 Noha Urdu Write Up Poster Image
